Հանրագրերի միասնական հարթակի օգտատեր դառնալու համար անհրաժեշտ է ունենալ էլեկտրոնային նույնականացման քարտ (eID) կամ բջջային նույնականացման քարտ (mID):

Օգտատիրոջ գրանցումն իրականացվում է առաջին անգամ հարթակ մուտք գործելու ժամանակ:

Էլեկտրոնային նույնականացման քարտի (eID) օգնությամբ մուտք գործելու համար անհրաժեշտ է կատարել հետևյալ քայլերը.

1. նույնականացման քարտը տեղադրել քարտ կարդացող սարքի մեջ, սեղմել «Մուտք» կոճակը և առաջարկվող մուտք գործելու եղանակներից ընտրել «eID» տարբերակը,
2. մուտքագրել Ձեր նույնականացման քարտի PIN-ծածկագիրը:

Բջջային նույնականացման քարտի (mID) օգնությամբ մուտք գործելու համար անհրաժեշտ է կատարել հետևյալ քայլերը.

1. սեղմել «Մուտք» կոճակը և առաջարկվող մուտք գործելու եղանակներից ընտրել «mID» տարբերակը,
2. մուտքագրել բջջային նույնականացման քարտի համարը և հաստատել,
3. հաստատել բջջային հեռախոսի վրա ուղարկված հարցումը և մուտքագրել բջջային նույնականացման քարտի PIN-ծածկագիրը:

Առաջին անգամ հարթակ մուտք գործելու ժամանակ անհրաժեշտ է մուտքագրել Ձեր էլեկտրոնային փոստի հասցեն, և գրանցումն ավարտելու համար կատարել անցում՝ Ձեր էլեկտրոնային փոստի հասցեով ուղարկված նամակում առկա հղումով: